因為懷孕初期5週開始斷續有流啡,
逢放工丶假期的節目就係留係屋企訓床,
飲食方面都介得好清,我跟呢個網食:
https://wow.esdlife.com/space.php?uid=47739&do=blog&id=333879
有啲無寫就再上網搵,網上見到一有話唔食得就唔食,
由凍飲狂熱轉做熱飲🥺
到左9週左右,流啡終於過去,
到而家13週,BB so far都好健康成長緊😊
聽到朋友個胎大我12週,間唔中都食啖雪糕、芝麻、蝦蟹、飲下汽水,我都心郁有時都食一啖😛
生嘢就唔敢掂,漢堡包塊生菜都拎走比老公食。
有次好想食壽司,捉咗老公去食,佢叫左火炙三文魚腩,我就聞左當食左,好滿足,之後我左食牛肉烏冬、紫菜同南瓜天婦羅。
媽媽真係好偉大😭
。汽水。老公飲有飲幾啖,真係好爽,有次買咗支C.C.Lemon飲,之後好鐘意!一日飲1/3枝,但之後上網發現有個成份係唔飲得,會縮宮🙈同時發現7up、雪碧唔含咖啡因,比可樂好,下次都係飲佢,不過好高糖,唔好成日飲🍻
。蝦。我好鐘意食酒樓燒賣,所以點都會食到,蝦其實好有營養,我見生完啲朋友有啲無界,有啲有全界蝦,到最後bb都係有濕疹,應該係關本身遺傳事,所以我都照食少少🦐 😱有一日晏晝食西炒飯食左3,4隻蝦仁,夜晚又食左一隻豉油皇大蝦,點知朝早起身去完廁所又急過,一朝去左5,6次🥺仲以為BB大件咗壓住膀胱尿頻,明明只有15週😱
。蟹。本身我好鐘意食蟹,但蟹好涼,我都唔敢食,有一晚出街食飯,朋友叫左個蟹粥,食左一啖蟹肉同蟹粥,個蟹粥仲有少少芫茜,超級涼! 好彩食完無事發生。
。菠蘿/鳳梨。呢期好興食台灣鳳梨,有得睇無得食,個個都話好甜! 網上面個個都話唔食得, 我就唔敢試了~
。餃子。我本身好鐘意煮餃子當假日Brunch,因為木耳、韮菜、白菜同西洋菜都唔食得,我就買灣仔碼頭果隻粟米餃食,就算去八方雲集我都係叫粟米餃+粟米湯! 不過心裡其實好清楚呢D餃入面通常都有落椰菜,不過SO FAR食左咁多都無事,應該食少少無野o既~
。泡菜。唔知點解黃牙白果D菜就唔食得,但泡菜生醃o既就話有益生菌可以食~ 我都有食過一兩次, 不過係石頭鍋飯再炒多兩炒先食,不過好似又話炒熟左就無晒果D益生菌
留言列表