這一定不是最完美的行程，但我這樣走過。

疫情無得去旅行，係時候為人生打算下。

懷孕6週去私家婦產科檢查照閃閃，王紹宏醫生話我BMI接近30，係肥胖，最好check下妊娠毒血症，佢呢度都有得check，但中大x威爾斯醫院果邊以前有做免費，叫我可以搵下。

妊娠毒血症會令胎兒同媽媽嘅生命危險，政府都有介紹：https://www.fhs.gov.hk/tc_chi/health_info/woman/30062.html

孕婦11-13週就可以去檢查，抽血、量血壓、照超聲波度子宮動脈流量，同產檢差唔多。

網上book左，佢好快就會打黎confirm booking，前一日仲會打電話提我: http://www.obg.cuhk.edu.hk/fetal-medicine/fetal-medicine_services/first-trimester-preeclampsia-screening/

12週2天去到威爾斯醫院登記之後，等見姑娘，呢度啲人通常黎做Nipt T21唐氏檢測，所以見姑娘果陣要提一提要做妊娠毒血症檢查，佢會提示呢個檢查其實得65%準確，因為就算而家negative，到懷孕後期都可能會患上妊娠毒血症。但起碼而家呢個step知道安心無事，所以我就兩樣都做晒，加埋T21都係$6700（2021年），算係幾平👍🏻

之後就抽2大枝血、雙手量血壓、等照超聲波。

照超聲波個醫生好搞笑，係都要BB轉身影張靚相先收貨，係咁篤我肚腩令佢轉身，BB仲好俾面揮手，同表演食手手🥰之後數齊手指腳趾，度左頸皮，度埋子宮血流量，要有紅色&兩點藍色，仲聽到BB心跳聲😚影左廿張相左右，好開心！

之後落收銀處比埋錢，就完結。3日後有妊娠毒血症報告，7日有T21報告。