這一定不是最完美的行程，但我這樣走過。

我哋兩公婆7月7日到London，奶奶8月21日到埗，10月15日離開嘅總洗費：
醫院總收費 £18115衣食行 £3800  (包括BB床、car seat、BB車、坐月湯包、全程自家煮食、奶奶黎咗兩個月)

7月頭31週嘅我已經飛咗過嚟英國啦！因為cx來回機票要萬七蚊😱（我持特區護照入境需要先買來回機票），所以買咗得23Kg行李嘅BA。上機前都好驚氣壓果d會影響bb，因為以前搭親飛機都會擾亂M到嘅日子，不過so far除咗飛機上面張食飯枱開得一半之外，其餘都無咩問題。😂 拎咗對壓力長襪上飛機前著定，點知著咗兩個鐘就太緊，對腳好痛要除咗佢😢然後著返平時啲短襪反而舒服啲，對腳又無腫。有時坐到patpat痛，會氣流穩定時行去機頭再行返轉頭，咁再坐低就唔再痛。如果前面嗰個位i晒張凳落嚟，我個巨肚真係出唔到去，你唔好彩坐我前面無得i😂嚮機尾個廁所大少少，我每兩個鐘就要去一次，順便行吓，我預備咗個小斜咩袋，裝住紙巾、護墊、搓手液、奶奶叮囑要用嘅膠手套，不過手套無用，無理由去一次扔一對🤷🏻‍♀️反而我去完廁所返位前每次都用搓手液搓手，唔怕廁所有菌。
18:30去到LHR，好多人都唔戴口罩，有戴嗰啲都有一半人戴得唔好，見到啲印度機組人員，即刻淆底拎返副眼罩出嚟戴🙈 點知去到入境處，跟BC老公行英國人嗰條隊，d counter得塊中間穿窿嘅膠板隔住，入面個人無載口罩😱我即刻行埋一邊等老公同佢對答算，好危險！我老公打咗疫苗，應該無咁易中招呱？😖然後我俾咗之前印定d locator forms, testing kit confirmation, 醫院嘅confirmation佢睇，擺返好文件之後記得好好搓手😷等咗成個鐘d行李先出嚟，因為好多人移民，家家都十幾廿件行李，好犀利點解拎得到！本身諗住搭Heathrow express+2個站tube去Marylebone 站間屋，£2x x 2人，加埋都係20分鐘，不過因為得行李等得太攰，出去先call Uber XL，一定裝到行李，十分鐘左已經上咗車，£5x，35分鐘到達門口，算好舒服，不過司機個口罩都係無戴個鼻嘅🤷🏻‍♀️

第7週
第4週左右已經屋企用驗孕棒收到好消息!，不過疫情關係，安排第7週先去睇私家醫生拎懷孕証明書。朋友話過左第6週，可以順便去產科醫生度照閃閃，慳返幾百蚊診所驗尿費! 家人介紹去左睇王紹宏醫生，超到閃閃，好神奇，不過BB仲係一粒野，無乜野睇。拎左D 惠氏SAMPLE同鈣片，就檢查完。
第10週
之後用HA GO APP個預約通約政府醫院o既產檢，2日後就有人打黎通知檢查日期，第10週檢查，婦產科得十幾廿個人左右，去到驗尿、度高、鎊重、量血壓，同幾個準媽媽入房見姑娘，姑娘會講解一次成個懷孕過程，要做乜檢查等等。之後會再續個見面，睇下有咩問題咁，同埋會問埋會唔會出去私家度做T21/NIPTY唐氏檢查，出面做會99%準確，如果出私家做，佢公立醫院就唔會幫你做。我好蠢咁講左會出去做，咁就蝕左一次照超聲波見BBo既機會啦。最後抽埋血，佢見我血壓有D高,13x-14x，就幫我抽多2支血驗個腎果D有無問題。約埋下次產檢就走得。

背景：老公係BC二代，我係特區護照，下兩代要keep住英藉，就唔可以香港生，要去英國生; 一係就全家移民先做到。
有咗之前已經決定去英國生，所以得閒嘅時候都上網做下research，點知寫去英國生仔嘅人好少，唔係BC去英國生仔嘅人更少😭