這一定不是最完美的行程，但我這樣走過。

牛油皮蛋撻

滑滑捋捋, 似豬羔咁白~ 牛油蛋撻都無咁滑~  ♪

佢嘅迷人面珠~我想錫一啖, 嘩! 味香滑甜似新鮮蛋撻~~~~~~ 

做法：

1. 將牛油雪櫃拎出黎，擺15分鐘左右至室溫，即係軟軟地。

2. 2隻蛋打勻，分1/4份(牛油皮用) & 3/4份(蛋漿用)。

3. 將牛油、糖霜及1/4份蛋液攪勻，過篩加入低筋麵粉，加鹽搓勻，放雪櫃5分鐘(唔係冰格)。

4. 夠鐘就將麵團拎出黎分成6份，每份搓波，之後放至餅模中心用2隻手指公轉住個模壓D皮至平均。
參考06:00開始:  https://www.youtube.com/watch?v=HSxt9J6EtrA
P.S. 唔好壓平D皮先放入去模度，會有air bubble....鋪唔靚~

5. 用叉吉餅皮幾下， 放雪櫃5分鐘(唔係冰格)。

6. 焗爐預熱200度。

7. 餅皮放入焗爐200度焗5-8分鐘 至白色，放涼。

8. 熱水溶o左d糖霜，加入淡奶及3/4份蛋，*過篩 (很重要)。

9. 蛋漿倒入餅皮(8-9成滿)，再放入焗爐200度焗約20分鐘至金黃色。

10. 放5分鐘後食得~~~~~

味道係好好味架! 不過我失敗左... 腸下我淨左幾多蛋漿....

個餅模得2吋，上面份量整得4件，所以好厚皮，
個模應該要大個D，整6件，咁中間個位置先可以倒多少少蛋漿!!

1:1 失敗品

同場加映淨左D蛋漿焗多次，變燉蛋....哈... 都好味~