這一定不是最完美的行程，但我這樣走過。

清心丸 

因為COVID-19，好耐無食九龍城合成糖水!!!!
於是就自己試下整清心丸!! 煮埋腐竹糖水100分! 
原來好似芋圓咁整~

做法：

1. 將材料(A)放細煲內拌勻，開細火邊煮邊攪至漿糊狀
(一定要細火!! 一定要攪!! 因為會突然好快變o左糕! 咁就失敗架啦!)。

2. 變漿糊狀後要即刻離火，快手加入材料(B)，快手拌勻。

3. 粉團要搓到球狀，有少少乾唔緊要，然後搓至長條形切粒
(最好唔好切超過1cm³ ，如果唔係要咬好耐，我都切得大粒得滯!)。

***呢到度步可以擺冰箱儲存，聽日再煲糖水加落去食~  

4. 細煲 煲滾熱水，落切好的清心丸，微微拌一下 (以免痴埋一舊)，
煮十分鐘，清心丸會浮面(仍然白色唔洗擔心)。

5. 撈起清心丸即放入冰水，凍左佢就會變透明架啦~
(最好冰，因為清心丸的熱力會中和o左d凍水，水熱得滯d丸會痴返埋一舊)

6. 好似湯丸咁，加入任何糖水都好好味!! 最鐘意合成的腐竹薏米清心丸~~~~
(正宗潮式緊係落去綠豆爽糖水啦~!!)

P.S. 唔好放入糖水度煲，煲完未即食沉底會痴埋一舊，變左「清心餅」

下次都係倒豆漿+腐竹滾兩滾算了... 煮溶o左d腐竹好似好嘥....