屋企人襯復活節假期,包左架車上潮州玩,
行程卻沒有
舊時包車上大陸玩,佢地都靠司機大哥帶路周圍玩周圍食,
但我呢D抱住每個地方一生人只能去一次ge旅行友,一定要上網做足功課才心熄!
主要目的係食! 諗起潮州你會諗起乜? 牛丸、牛肉火鍋、打冷、鹵水鵝、蠔餅、春菜、魚飯、煎魚、清心丸!
於是,男女老幼一行8人,2018/3/30早上10點迫到福田口岸食好早餐,上包車出發!
車程大約4-5小時,以往旅行團經驗,每兩小時要停一停車讓司機休息一下,亦都讓老人家伸一伸腳,
但呢個司機2小時亦未肯停車,家人就通知司機要找廁所,才肯到休息站,
到達休息站都1點,午餐還沒有著落...
於是在休息站食左個真功夫,再上路。
再過2小時,差不多到達潮州。
叫司機去金龍大酒店,佢就入GPS找路,心知不妙,呢個司機唔識路。
到達金龍大酒店Check-in完都4點,
本來想佢車我地去開元寺參觀,因為5點就關門,
但司機說對面就係牌坊街,一直行就到開元寺,完全係唔想撈ge狀態,
於是我地就算數,因為聽日都有時間,
跟住我地去牌坊街,嘩~估唔到係咁新!
條街每個路口都有牌坊,白色的~好新好靚,每個都唔同,我仲以為係舊式木造甩皮甩骨的呢...
不過就係旅遊區囉,間間鋪頭差唔多,
中途食下牛丸,呢間福記牛丸好彈牙!
鳳凰浮豆干就係咁,一碟乾乾的豆卜再炸一次,點紅醋食,一般,
最好味係牛肉炒芥蘭,D芥蘭超嫩超好味! 不過唔係成日有架~
不過就係鋪頭門口有張摺枱,有幾張圓凳咁樣比大家食...
跟住又行兩步食左呢間潮之味手打牛丸,見住佢即場打牛丸!
比之前果間仲彈牙!佢仲話有得順豐送貨XD
仲有咸水粿,係D咸菜普擺上去一舊粉上面食,RMB$5/十幾廿個,好飽!
行到開元寺 轉右,再行到上水門,去到河邊廣濟橋(湘子橋),差不多半小時多,老人家已經攰了。
回到開元寺街角的 古城美食府 食晚餐,好似坐得舒服D 有大圓枱,有冷氣,
一望餐牌,失望了,潮州竟然有沒有牛肉的店!
叫了多人份套餐,加了幾個小菜,
有隻比香港更難食的鹵水鵝...
有不是香港打冷鋪的蠔餅,明明係台式柯仔煎!!
呢個芡實芋頭煲好好味~
唔小得GE牛丸... 一般般
夜晚家人習慣搵砂鍋雞粥做宵夜,大陸都係用百度好,搵到有兩間雞粥,有一間係得個檔仔,好似好污濁,有一間有鋪頭,但就無人食...
問佢係咪活雞,佢話係,但食落一定唔係... 應該前幾日係活的.~~
第二朝九點幾去食早餐,想司機去車開元寺再繼續行,個司機又叫我地行過去!!!!!!
跟住我地話老人家唔行得先肯車我地,明明包左你幾日車,你訪度都唔肯去
開元寺過少少,求其入左間食牛的... 牛郎圓肉店...
個麻醬撈粿條好好食!!! 牛丸都唔錯,
我地等食果陣仲去左行下,見到下一條街條巷仔度有腸粉買~
座上客都似係街坊? 見住佢用個櫃桶整腸粉整到無停手,
好滑,好好味!!
食飽飽,見到開元寺好多人,家人提議不如坐遊覽車,
除左司機之外可以坐8-9人,RMB$80超級平!!! 唔洗行爽丫丫~
遊覽車唔入開元寺的,但係就遊晒潮州八景!
潮州八景是指外八景,即:
“鳄渡秋风”祭鳄台,根據車夫大哥講,
以前呢條河有好多鱷魚,食細蚊仔同大人,唐朝韓愈黎到之後,開壇作發,祭天祭地,之後D鱷魚就死晒啦~ 但其實就係暗中落左藥,毒死晒D鱷魚
超級遠,去到得座塔有條石鳄魚咁,但河邊風景就幾靚、仲有木棉樹開花~
“西湖渔筏”去到西湖邊,就已經被對岸一排粉色花樹吸引,車夫話係櫻花!! 我地飛奔過去,發現原來係洋紫荊=0=" 點解香港市花O係人地地方可以咁靚? 點解香港唔可以整多D呢D花花路? (唔係架架遊覽車會停低比你落車參觀,我地都怕落左車之後佢會走左去,事實係唔會~)、
“金山古松”好靚建築,係咪最近修緝過?、
“北阁佛灯”係好古老、點火的燈塔,好神奇! 、
“韩祠橡木”呢個無去到WOR, 係咪比人呃左?、
“湘桥春涨”早知琴日唔行過黎啦、
“凤台时雨”都無去..... =0=、
“龙湫宝塔”無去啊... 好似賺左其實呃左...
不過佢帶左我地去左間許駙馬府,到此一遊,無比時間我地入去,要收入場費,講解左門口門檻好高.....
最後仲去左唔知邊個小巷,有間士多,賣醃野、賣茶葉...
我地8個人買左一支水
返左開元寺,買左D好似柿餅咁樣o既柑餅,幾好味!
仲有D即製花生糖,又買左串牛丸食=0= 第5餐牛丸啦...
之後各汕頭出發! 上網做功課果陣發現D人話潮州好好味果D野食其實都係O係汕頭果度食...
於是都係過去汕頭食下野,
午餐一點左右去左好出名O既日日香鹵鵝! 隻鵝真係好好味! 仲有鵝頭、鵝肝、鵝蛋! 超大隻!
之後醒起要叫鵝腸,點知已經賣晒了...
鹵水豆腐唔好叫,佢係琴日食好干的豆干淋鹵汁.... 好油
食飽飽、小朋友都訓醒午睡之後,司機帶我地去汕頭一個樂園,去到門口,係山寨迪士尼咁款,好大,
老人家應該行唔到,我地又得兩三個鐘頭,於是去到門口都無入去。
跟住百度有人話有個廟有櫻花睇,花就見唔到,反而見D人租茶租枱凳O係度歎茶~
之後到左5點左右,就去左食晚飯,百度左八合里海記牛肉火鍋!
分開好多牛的部位,差唔多每種都試過! 五趾、三趾最好味~ 又爽又有肉味又甜!
牛胸油係一定要食,超香超爽,香港去買牛肉都突登要買佢~
另外仲有叫牛丸就麻麻地~
不過同行有家人唔食牛,呢度得D麵同菜O岩佢地食,真係豬同雞都無做架!
狂掃廿幾碟埋單都係RMB$800! 好抵
之後朋友告知原來深圳有分店~呢間係總店,下次可以去深圳番尋味LU~XD
食到好飽,家人返酒店按腳,我同老公就去搵糖水食,
又係返左牌坊街,星期六晚牌坊街有好多人! 好多十幾歲小朋友行街~
行左去間好出名GE胡榮泉 ,想試下鴨母稔,
但係十點幾幾間胡榮泉 鋪都無人,去返廣濟橋睇夜景,好靚,不過好多人~
跟住返返去胡榮泉都仲有無人.... 於是唔敢試XD
去左五豆坊食,叫左個鴨母稔(一定係熱的) &五豆豆花(凍的) 都幾好食,
不過我地搵晒成條街都係無清心丸
香港美食一蘿蘿,究竟香港GE 美食係唔係其他國家真係有GE傳統美食?
係唔係加個"印度"O係咖哩前面就好好味? 係唔係加個"日本"O係生果上面就一定甜? 係唔係加個"法國"O係男人國藉上就一定係靚仔?
有D野,你唔去行過、睇過,你唔會知,你會以為而家GE中國仲有鄉村地方好污濁,
以為香港人好有錢係大陸人都想搶你野,明明大陸人人人手上都係IPHONE X,而你仲係用緊IPHONE 6
潮州之旅咁就完結左,
第三日朝早O係酒店地下酒樓飲完茶之後,司機大佬就一支箭車左我地返廣州,我地話未食飯WOR,佢就搵左個農莊比我地食飯,
第一次見人劏雞,原來雞毛好易蚊~ 不過隻雞無乜味。
留言列表