我仲後生，點會輪到我？
第一次發現比人盜用信用卡，係2018年12月17日，
當日晚上收到手機訊息，通知我剛剛Citibank信用卡有一筆三百幾蚊交易 (訊息由6115 1702發出)，
我在與朋友吃飯，所以打算翌日早上回公司清靜一點才處理，
然後翌日工事繁忙又忘記了，直至差不多收工時間，又有一筆三百幾蚊交易 (訊息由6115 1702發出)!
於是我立即上E-Banking Check，原來12月初又有數筆幾百蚊交易，點解無通知我?
查返SMS紀錄，原來12月14、17、18日曾經有訊息來叫我用270分=$1抵銷簽賬，
然後響果一堆疑似推廣訊息文字中，有個交易$ (訊息由+852 5283 0559發出)，
完全唔似交易通知，好容易混淆! 而且唔係用同一個號碼SEND黎!
同埋呢幾個訊息 唔係包括晒 我E-Banking上面顯示全部數! 即係比人簽o左o既數目比訊息提示更多! 全部都係Google購物的交易!
打去訊息上的電話 (事前跟朋友確認是真Citibank電話)通知不是本人的交易，
客戶服務員核實我資料後，話會CUT 卡，比張新卡我，會7-14工作天寄出Disputed Form比我簽，証明唔係我本人簽賬，
不過由於E-Banking未Show到我呢兩日(即係12月17-18日)幾項簽賬，要我遲D再打過去拎多次Disputed Form。
然後我2018年12月28日終於收到第一封信，第二日回公司立即FAX及寄回，不過上面只有顯示了其中一項交易數目!
於是我再打去Card Center問，佢話我總共有9筆數，會幫我做晒Dispute，又係7-14工作天寄出.... 於是我等。(下回分解)
CUT卡當日冷靜落黎之後，諗返會有機會邊度比人盜用呢?
電腦/電話比人HACK左? 銀包比人開過自已人做? D網上購物網站資料洩漏/有內鬼偷野?
曾經用呢張卡買過野：淘寶/支付寶、HKTV MALL、Agoda、Airbnb、Expedia、同經Email比過信用於資料瑞士一間酒店 (未需要過數住，不過最大可疑
)
然後Check晒手機APP上面D ACCOUNT，原來D APP會自動儲存o既信用卡資料!! 立即全部清除晒!!
除左淘寶/支付寶清唔到!! 上支付寶清左，但係去返淘寶比錢果頁又唔洗入卡資料一按付款就比到錢! (都係好可疑)
好幾日之後發現淘寶比錢果頁會見到信用卡資料，按入去先至Del到....
跟住因為Agoda & Airbnb BOOK左三間房，有冷靜期，分別會三月尾先過數/到店付款，
但之前留左張Citibank卡已經CUT左，即刻Send Msg/Email去問解決辦法，過幾日就有回覆~
Airbnb話要等過唔到數之後會再Send Email比我入返新信用卡資料。唯有等~同差唔多時間就留意下....
Agoda其中一間意大利酒店就因時間許可，可以取消訂單再做一筆新的預訂，而且仍有空房，於是就免費取消了，再用 大新信用卡 預訂一次就選即時付款，免麻煩!
Agoda另一間意大利酒店就因為不能免費取消，而且會在任何時間扣款/到店付款，Agoda英文Email回應提供安全鏈比我重新比信用卡資料，填完( 大新信用卡的資料 )後會確認資料已更新，並通知該酒店。
以為事件已告一段落，只需等Citibank調查完。點知.... 
今日，收到大新信用卡訊息及Email通知，昨晚零晨2-3時簽賬了數次$1千幾蚊美金，即係每次$9千幾蚊!!! 比唔同公司名，聽落唔識呢D公司名，
於是打電話去卡背的客戶服務部，核對資料後，又即時CUT卡，比張新卡我，
又會7-14工作天寄出Disputed Form比我簽，証明唔係我本人簽賬，OR 2-3日Email張Form比我簽返去，
然後我問佢，我有另一張卡都係咁，洗唔洗報警?
佢答我，因為我無Statement，個Dispute Result又未有，報警都係無文件無証據，警察都係幫唔到D乜...
咁我呢張大新信用卡又有咩機會比人盜用呢?
由於呢張新卡黎的，我用黎郁下BA Miles個Account，平時極少簽賬!
只有簽過婚宴酒席取迎新積分、Qatar機票、之前講果兩次Agoda付款!
完全水落石出!!!!! 
一定係果兩間意大利酒店/AGODA出事!!!
然後上網Search，原來好多人都經Agoda/Booking.com/Expedia/Hotel.com等等旅遊網站中過招!
因為呢D網站有機會會直接將信用卡資料比左酒店，而唔係Airbnb咁扣住D錢到住完先比佢，
果2間意大利酒店可能會有手腳唔乾淨ge人盜用左D資料，
亦都唔排除係Agoda有內鬼盜用左D資料!
兩間酒店、一個網店。三選一。你估下?
以後上呢D旅遊網站可以用咩安全方法付款呢? Or 有咩安全方法訂房呢?
留言列表
