水流聲、雀仔聲中醒來~~
梳洗好之後就落樓食早餐,見到個格局又要 "嘩"~~~~一聲!!
屋主話佢地兩公婆成日周圍去,鐘意儲D擺設,仲拎左個O係香港摩羅街買D 觀音像比我地睇~
而早餐唔係多士、腸、蛋、麥皮就算數~
食左超級多!! 屋主SERVE我地熱辣辣牛角包超好食! 仲有女主人整GE得獎橙JAM~~
雖然要同隔離房住客一齊食,要迫住傾計,國語、英文樣樣齊~ 一早起身個腦好支力XD 不過都好滿足呀~~100分的早餐!
食完早餐就參觀左個花園! 個花園唔大,但係有D雕塑,山邊有條河,屋主話條河有條EEL.... 係佢養的...
小橋邊就係廁所望到個鞦韆! 過左小橋就有條山徑可以去到隔離屋...XD
有個草地仔,可以打下門球.... 上網睇屋前果棵大樹係櫻花黎TIM!
今早有D時間,於是就去左黎New Zealand一定要做o既活動~~~行山!
睇睇地圖,有好多條路線,但時間有限~~ 見到個海有條路去中間一條島,覺得好得意,於是就揀左佢! Onawe Peninsula!
地圖指來回1小時OK,我地大概1.5小時來回啦~
我地學GOOGLE MAP D車咁泊左果個位置,應該潮漲都浸唔到呱?
D山都係火山、風化左GE 土質,一層層Texture,一篤就粉碎~
沿路行好好彩係潮退,中間有個位有沙州突左出黎唔洗澗水行~~
之後有一大片草地,好似有人每日修剪一樣,好靚!
仲有一山o既枯草,唔洗去大東山咁辛苦~ (NZ無蛇唔怕蛇)
輕鬆行完山就返左碼頭,去左間漁夫之家Murphy's on the Corner食Fish & Chips~~~ !
佢地賣o既都係自己出海捕魚o既收鑊,包你新鮮又sustainable~~
當然日日Fish & Chips又有乜驚喜呢?
驚喜就係佢有種魚叫做Elephant Fish,係第一次聽而又想o係NZ釣到o既魚!
雖然釣唔到,但係食到都唔錯丫~ 好滑好新鮮好好味~
而Grilled三文魚仲正!!! 三文魚係Akaroa 河口出名最大條,所以油份最多最香最好味!!!一定要試!
食完去左燈塔行下,之後就去左碼頭等船,
因為我BOOK左15:40 Black Cat Cruises- Akaroa -Harbour Nature Cruise睇全世界最細條、最稀有o既 Hector's dolphin
呢種海豚只會o係NZ內塘海域搵到~其他地方睇唔到架~~~~
本身想參加親親小海豚-大海中心與小海豚暢泳的團
不過諗到天氣仲係凍,雖然有保暖潛水衣但D水都幾凍,
加上我自己泳術唔係好好,怕無救生衣著,得一條海綿浮條我會唔夠浮.... 大風大浪....
於是都係決定坐下船仔算了....
Hector's dolphin,又有其中一個品種分為Maui dolphins,差唔多樣,都係唔似平時畫公仔果種海豚~
而呢種海豚只會o係NZ內塘海域搵到~其他地方睇唔到架~~~~
船長周圍搵左一陣,一見到佢地蹤影就停船同佢地玩~~~ 佢地游完左邊~又游右邊~~好得意!
另外仲有見到Seal & White-flippered penguins 白翼小企鵝,係全世界最細隻o既企鵝,最高只有25cm高,一呎都唔夠~~好似BB咁~~
落船5點幾去左屋主介紹的餐廳~The Little Bistro 食晚餐,因為上網話呢度有生蠔食,黎到NZ都未食過~
因為無Book枱,好彩早到埗,仲有一千零一張吉枱~
枱上有好大粒粉紅岩鹽!
叫左半打clevedon coast生蠔送一杯香檳,佢有得簡Apple Caviar / vinegar,我見Apple Caviar 咁得意唔知咩黎,就叫黎試下....
點知!! 上枱竟然係 青蘋果味爆爆珠 !!! 估唔到個味道又幾夾~!
我叫左Beef乜乜乜,原來係牛柳+牛脷!!!! 好神奇!
老公叫左慢煮豬胺~~好好味!
食完見呢餐賣單好似好貴.... 於是都無叫甜品食,
出去行左陣街,都無乜野好行~~ 入超市買左條雪條食~~~
食完返房,屋主o係門廊同朋友傾緊計預備去食飯,佢地好驚訝我地6點幾咁早已經食完飯,
我話我O係果度食左牛脷,佢地幾位老人家竟然話佢地都食過~~
去D亞洲國家食好多怪野~ 昆蟲呀~ 雞腳呀~ 話最接受唔到係貓貓狗狗D PETS....
返房浸多次浴~~好梳乎!
留言列表