離開 Fairlie Holiday Park ，揸左三個幾鐘頭車到達Akaroa
途中經過農田，有架飛機超低飛灑肥料/殺蟲劑?
坐到悶悶地，我就搵返前幾日訂房D資料預備下啦，OMG! 原來我訂錯左三月份o既房!!!!!!!!
唔怪之得咁平啦..... 好好彩，不得不讚AGODA可取消訂單呢個選項! 即使我訂錯日期都可以退訂!
之後即刻搵下今晚有無吉房.... 已經無晒了.......
陰差陽錯之下，到達Akaroa之前一小時，就BOOK左而家呢間Blythcliffe。
經過超崎嶇山路，仲行錯左幾次路，先到達 Akaroa!
好似睇戲果D海邊渡假區咁，好陽光! Akaroa以前係法屬小鎮，所以呢度法式風情唔少得，詳細歷史大家都係睇返專頁好D。
先去左Blythcliffe放低行李先，到達門口果陣已經好期待! 寫住由1857年興建，係一級法式文物建築的B&B!
由於一小時前先訂房，所以我地間房都未準備好，放低行李，我地就出發去Shamarra Alpaca Farm。
Shamarra Alpaca Farm係一個俾草泥馬包圍ge山頂!! 仲可以見到個海! 不過好大風，要著風褸呀~~~
之前已經上官網BOOK左4pm果場，唔怕Walk-in無位~
不過上去山頂果段路超級斜! 少少懸崖 ，爛地，而且係單程路! 好彩我地架車仔都上到去, 有泊車位，門口已經見到晒D草泥馬!
幾乎全部遊客都係國語人，只有一個鬼佬自己黎。有個華人員工會幫大家登記，同簡介，
另外，鬼佬老闆會介紹D毛同明星草泥馬! 之後講完安全守則後，
會出出面親親草泥馬! 仲有大兜飼料餵佢地! 千祈唔好企佢地後面太近，因為佢地會同馬一樣，起飛腳踢你，我試左一次! 好痛架!
食飽左就比個屁屁你睇~
餵完呢邊再去另一邊平地D 再餵，唔知係咪係咁阻住佢食草，佢向我老公! 吐 ! 口 ! 水 !!!!!!!
笑死我!!!!!!!!!!!!!!!!!!!!!!!!!!!!!!!
傳說中草泥馬會吐口水係真架!!!XDXDXD
之後再去睇草泥馬BB，原來一出世已經好大隻! 呢D都係3個月左右大~
老闆話草泥馬同人類一樣，都係要睇DNA，唔係黑色同黑色的BB就係黑色架~~~
所以如果想要特定顏色GE草泥馬，都要睇返佢地族譜，之後再交易去同人地果D配種!!
之後去鋪頭睇下草泥馬毛產品，老闆話草泥馬毛比羊毛係更軟更暖更耐用架~(而且更貴XD)
不過我地都用唔著~無消費。
完結之後返B&B睇下間房休息下，嘩~
開頭以為歷史建築、屋頂門口滿佈植物、B&B，間房一定係舊舊地，好有歷史"味道"，甚至陰陰森森.... 爛爛地....
點不知! 除左條樓梯窄窄地、行路會有木板鬼屋聲、D門斜斜地之外，其他都好正!!
好似新裝修咁~~~ 好乾淨~好光猛~ D擺設都好正! 係Vintage唔係Old School!
廁所個窗可以望出花園 個鞦韆果度! 好似幅畫咁!!! (不過無窗簾，可以用浴簾掛窗框遮住~~)
有企缸，另外有好大個恐怖浴缸，可以望到浴缸底.... XD 好乾淨，有提供浸浴泡泡珠，我都浸左一陣!
床尾有個大櫃，好似寶藏咁，入面住左隻羊~
窗邊有少少厚度，坐落去可以聽到流水聲、雀仔聲~好寫意!
仲可以見到屋主個小農莊，種左唔同蔬菜。
另外一間房，廁所在房門外隔離房，但其實都係得佢地用。
另外仲有間小TEA ROOM，有閒情可以沖茶飲，TEA ROOM可以行出小露台，但小朋友就唔得，怕會跌落去。
跟住屋主仲介紹幾間餐廳，我地周圍行下睇下食咩好，
怕羞GE我地見到D餐廳好似好正式，好高級咁，唔係好敢入去，
行到海邊附近，見到間Bully Hayes Restaurant & Bar，價錢望落都OK，就入左去坐
簡左坐室外，叫左Scallops頭盤，Main就羊架同青口 (試下街食D青口係咪一樣咁好味)
D Scallops真係好好味 ！不過青口就臭臭地，唔係好新鮮.....
今晚唔洗揸車就啤一啤~~YEAH~
留言列表
