這一定不是最完美的行程，但我這樣走過。

今日一早7點幾就起身出發! 因為BOOK左08:50 Fox Glacier Heli-hike TOUR上冰川! 要早10分鐘集合，但我地7:50就到左

於是就O係Heli-hike TOUR間SHOP度食個早餐先，杯White Coffee好好飲，個拉花好靚! 坐下歎下，終於夠鐘。

集合時，大部份都係中國人，有幾個係外國人，D職員就分開兩堆人講解，一堆講國語!!! (而家識國語可能仲有用過英文=[ ）我地就企O係中間兩邊聽=0=" 之後去英文果邊登記。登記完，就入左間房講解，講完就分發襪同鞋，有分SIZE，老公隻腳46號都O岩著~ 另外仲有防水褸、長褲、背囊免費借，如果夏天可以唔洗自己帶厚褸~

跟住去個廁所就上巴士仔! 出發~~~~ 好快就到機場~ 入左個房仔，分組上鎊~ 我地果組重左小小，要放低行李比下一機D人拎~XD 我地係第一機! 第一次搭直升機!!!! 我可以坐頭位~ 老公就坐後排窗邊。起飛啦~ 個景好正! 仲見到耶穌光~ 去片~~~~

由於第一機，我地落機就O係豬欄入面著好釘爪先~ 之後可以隨心拎1or2枝行山仗，我手持相機，免得麻煩所以無拎行山仗，都行得好輕鬆。跟住第二機黎到，大家都要蹲下來，手蓋著頭，因為直升機會吹起D冰。等齊人就分小組出發，我地果組有幾個加拿大人，有行冰川經驗，同Guide傾得深入D，可以學多D冰川野~

通常Guide都行前面先探路， 冰川日日都變化緊～琴日GE路已經唔見左～ 另外會用AXE 鑿D梯級比我地行，一定要沿住一個跟一個，因為行錯左一步都好可能會係薄冰，薄冰下面好可能係一個幾十米o既深淵~

點解D冰咁污濁？ 唔係污染～係天然冰封火山泥！薄薄一層唔係好多，但就好豐富礦物質～ Guide塊面果D唔係鬍鬚～ 係火山泥呀～佢話呢度咁曬要美白下XD

呢個水池咁深， GUIDE叫我地唔好落去游水，應該十幾秒死得。。。

仲有好多藍洞~可以幾個人入去影相~有D可能好扁矮，但可以入到好深～ 

OYSTER GAP～～

晶螢～

話咁快就幾個鐘～ 好夢幻～唔捨得走。。。

搭返巴士返去，對面搵左間餐廳食Lunch，由於早餐太飽，今餐我地兩個人食一份~杯Cider好好飲~

Burger with fries- Blue cod, NZ$23

之後經過Haast Pass， 好似頭文字D咁彎彎曲曲o既100KM山路，靚景又在眼前～LAKE HAWEA ～大風刮起沙塵～ 明明新聞話東岸大雨到水浸，我地就好好彩，避過左，安全地駛過最危險路段之一GE HAAST PASS

中途到達Blue Pools，要行一段小徑先到，去到D水真係Jelly咁靚! 有人O係吊橋度跳黎去，有人O係岸邊曬太陽，因為唔方便，所以我地淨係去左淺水區浸腳。D水冰到.... 凍到浸左10秒就要上返岸腳都痺埋，點解D人可以游到水架?!

OH MY DEER～路經鹿場！

去到Lake Wanaka，因為無BOOK定房，爭D無地方住！ 去左幾間都無房，於是上AGODA睇，賽翁失馬搵到遠少少但超靚GE WANAKA KIWI HOLIDAY PARK～廚房一應俱全，後花園大草地望到百年難得一遇o既Super Blood Blue Moon! 間房仲要有冷氣，住得好舒服~

超市見到WHITE BAIT。。。好貴！

左下角係一般大SIZE綠色奇異果，右下角巨型無毛黃色奇異果～買左個食！好甜好淋！無乜核唔界利！D西瓜NZ$1.5一舊仔，即係HK$9.

今晚焗左隻Pre-make 雞~ 好好味~黎到LAKE WANAKA緊係要飲返枝WANAKA手工啤LA～