因為成2個月無m，上一次2月中黎m個量又非常少，時間又好耐，我仲諗緊自己係咪有婦女病😅 打算去睇中醫前驗一驗孕，點知就中咗獎啦！又可以去英國玩😅 今次會帶埋大女去，可以跑草地啦🥳
第十六週
去樓下診所驗孕拎懷孕證明，醫生話都唔知我係10週定係17週，要去照超聲波先會準確啲。
第十七週
因為都夠10週，所以就直接約返王紹宏醫生做T21，順便照下個肚幾大，度咗頭圍同肚仔，佢估計係17週，預產期係10月頭！等3-5日就會有報告。
之前唔知有咗，又約好咗考車路試😓
上次個肚5個月大考，都頂住個呔盤，今次7個月，應該都好難揸，所以都係改期，生完返黎再排過😵💫 學車可以改期 $50 x 17堂=$850，學牌$5xx，路票$510，今次係最後一次啦，因為個課程得三年限期，英國返黎reg埋新堂剛剛好
😅
第十八週
去聯合檢查，都係見姑娘登記資料同抽血。
第二十三週
去咗聯合飲糖水，先抽血，再飲一杯，今次有枝飲管比我，叫我唔好除口罩。
問姑娘去邊度拎返份報告，佢話可以去樓下地庫「病歷檔案控制室拎」，我去到「資料控制員辦事處」問(同死亡登記同一位置)，佢有份form比我，叫我抽埋下一次血完成咗就落返去交。$76十頁報告，要40日先拎得，可以揀自己去拎or郵寄，因為我怕佢會遲，我揀咗自己拎。
第廿八週
去咗健康院，打咗百日咳針，下次已經飛咗，唔洗再約期。
聯合真係足足40日就一早八點幾打俾我，話今日拎得份糖尿報告！唔係計工作天，係每日都計。過兩日授權老公去拎先👍🏻
第32週
飛前3日去婦健產檢拎飛行証明。佢照到bb肚仔比頭圍、大脾骨嘅生長速度都快好多，我哋有啲擔心，不過都係飛咗去先算。
第35週
今日約咗Dr. Chilcott 見面。Reception 嗰度終於update到我個地址，但佢話唔洗收deposit 🤷🏻♀️。之後Dr. Chilcott 嗰邊就幫我鎊重、量血壓，Dr. Chilcott 就睇吓我香港嘅reports，佢話gl
ucose test個指數好高，做多一次test穩陣啲，於是要下星期一又再飲一次糖水😢。另外約咗37週照超聲波&見Dr. Chilcott，暫定咗39週開刀，佢要睇吓book唔book到手術室再confirm。之後佢就幫我度吓肚，check吓上次條疤，佢話唔係好靚，今次會幫我切走佢再縫返靚啲。之後就去見midwife，問吓病歷、家族病史咁，入返啲資料。
過幾日飲完糖水。過幾日就有張單寄嚟，list埋其他驗血項目收費。(見圖)之後幾日有人打俾我，約Pre-assessment 時間，手術前2日，講完佢會即刻send email黎confirm。
第37週。照超聲波£232，bb一切正常。之後去見Dr. Chilcott ，因為佢今朝做手術遲咗，等咗半個鐘左右，佢睇完reports都話無乜問題，咁就講埋幾點入院，講多次到時流程。肚都無度🤷🏻♀️就走得。佢有問下星期洗唔洗見多次面，定到時手術見，因為見一次收一次錢，£300一次，我又無乜事，所以揀咗到時見。
第39週。Pre-assessment。今次由midwife做，我自己一個去，了咗兩次鼻check covid，了咗大脾嗱驗菌，抽咗兩枝血。講解咗到時朝早可以食嘢，8點之後淨係可以飲水，2點半就連水都唔飲得，4點半開刀。當日midwife同麻醉師個再講解一次流程。今次可以兩個人探訪，但唔可以轉人同小朋友唔去得，Nursery都開返，如果老公唔得閒可以擺bb入去比人睇住。
手術當日。8:00已經唔食得嘢，只可以飲水。2:30入院，由禮賓部帶我哋入房，介紹房間設施。Midwife先黎檢查同講解流程，之後到麻醉師、Dr. Chilcott。之後就換定手術抱同著壓力襪，等嘅期間超肚餓，唯有睇吓餐牌今晚食乜好。預計4:30開始手術，但5:00先帶我哋去。
今次個麻醉師種咗第三粒豆先成功，好差😵💫種豆好痛，之後仲會瘀。好彩手術成功，bb好健康咁出世🥳Dr. Chilcott 手勢好好，老公今次可以真正喺我個肚度剪臍帶，上次係剪淨咗再俾佢加一剪。
做完手術，去Recovery 嗰度skin to skin埋身餵人奶一陣，bb食得好叻。之後返到房已經7:30，無得叫下午茶個tea tower😢
今次決定唔返屋企拎飯，全程食醫院嘢。有印度飯，好多香料但唔辣嘅，有意大利飯，好飽肚。老公有熱氣嘢食，唔怕佢都口啖啖😂
第一晚就拔咗尿喉，隔咗半日就要我落床去廁所，今次我有乖乖食晒d藥，所以都唔算好痛，去完廁所有少少虛，即刻嗌嘢食。
第二晚落床都仲係未行得好好，聽朝兒科醫生又黎搞bb tongue tie，所以都係訓多晚先出院好啲。話說日抖兒科醫生檢查完bb之後話佢有tongue tie，咁就問剪唔剪，之後midwife有個專教餵奶嘅，佢話bb都飲得幾好，可以唔洗剪，所以第三朝就同返醫生講我哋唔剪啦。
第三晚我哋決定俾bb去nursery 俾人照顧一晚，等老公可以瞓返覺好嘅，返屋企再長期作戰！都有啲擔心同唔捨得俾bb staycation 🥺 我哋11點就叫midwife send bb去，可以揀幾點餵人奶就推返返黎or去到比奶水佢飲就唔洗返黎。第二朝7點先推返bb返黎，餵飽飽，換晒片，瞓著咗好舒服咁，爸爸媽媽都瞓咗覺好嘅。🥰 呢個服務好好！😂
第四朝同接更midwife講我哋之前講咗11點discharge，佢如夢初醒，即刻搞paperwork，最後12點先走得。今次無送醫院禮拜俾我哋，又無咗bb腳板印🥲佢俾我哋自己去買消炎藥、止痛藥，boots/superdrugs嗰啲賣20p，醫院開可能要幾十蚊，有藥單中小冊子教我哋買邊隻同食幾多。另外仲俾咗防blood cot針、超級止痛藥。
Day 4。Community midwife 打嚟，問身體、bb、餵奶、等等問題，但就無上門🥲。約聽日去附近醫院見midwife ，講完佢有send sms 地址、時間嚟。
一返屋企就即刻book registration of birth 、passport，點知passport fast track full booking!😨嚇死寶寶，我哋逐個鐘捕住個system 等搶位，原來佢朝早9點開工先會開返d位book 嘅，9點仲有好多時間揀添！
Day 5。帶埋BB去附近醫院見midwife ，BB腳板底滴4滴血拎去檢驗，再幫佢磅重。媽媽就檢查傷口，睇吓惡露情況，問吓心理狀況、身體狀況、餵奶等問題。
Day 6。爸爸一早去咗整出世紙，拎咗三張copy。
留言列表
