這一定不是最完美的行程，但我這樣走過。

疫情關係，返香港好困難，被BA cut機、改酒店、轉航空公司，臨時confirm晒第二朝就即刻去collinson做PCR test，連bb都要做了口了鼻，好殘忍，姑娘都覺得慘慘，最後淨係幫bb了口。

返香港嘅政策日日都唔同，我呢度唔多分享啦。

由Birmingham出發去LHR 2hrs，提早咗6hrs到機場check文件，入咗閘要避開會咳嘅人食飯飲奶(其他航班唔會似香港咁嚴，有機會唔洗test就去得，尤其係細路仔，佢哋好大機會有covid）。

上到飛機嗰一刻真係心都定埋，感動流淚。機程11hrs，Vingin空姐真係好照顧我哋，一上機就俾一支大水我哋沖奶(不過我哋已買咗奶水拎入去，hipp無得機場boots拎，只可以訂aptimal & cowgate)，又幫我哋確認bb車已上機同落機會即時拎返俾我哋！原來bb有安全帶扣埋大人嗰度，起咗飛就安裝bassinet 俾bb瞓(打咗去hotline等咗100分鐘終於有人聽，佢話bassinet 無得預約，但會幫我remark，online checkin就會見到自動mark咗有bassinet)，空姐會再三check咗安裝安全，派餐仲會等我餵完奶先拎俾我。

然後到咗香港機場，做晒檢測先去入境，入境counter前有條柱後面有得填bb入境表格，好隱蔽，然後大概6hrs先到達酒店，好攰。

隔離完返屋企先scan 到bb証件、出世紙、入境張紙仔，然後網上交ROP145。

一個星期左右有信寄到屋企叫我哋交多啲文件，父母出入境passport(一人英國護照、一人特區護照）嘅每一頁、父母hkid、bb嘅出世紙、passport、入境紙仔。之後1月28號政府又在家工作，又新年，唔知有冇影響。

最後等左5個星期左右，上網check終於批咗，之後收到封信，約定幾時拎文件上去，淨係一個家長去就得，唔洗帶bb去。去到拎咗張批文，同響英國passport上面貼咗張貼紙話合資格係香港人，要比$240。另外申請埋 特區 passport就搞掂。

之後我即刻打去附近健康院book，約咗見姑娘，到時再問打卡介苗嘅嘢。

小朋友要11歲先可以就咁拎身分證，細過11歲就要領特區護照之後先拎身分證。如果你要11歲前出遊，你都係要申請特區+身分證。而申請回鄉証就要有身份証同特區護照。