第二朝起身8am未夠，太陽出來了
早餐焗左多士食，厚切面包好鬆軟! 試左苦瓜醬!
宮古蛋係好味D~~ 仲有好多款奶......
青森王林蘋果一流呀~~~
呢個係宮古島手信朱古力味宮古鹽千層酥~
見到有少少陽光，
就一於出發去宮古島o既我最喜愛風景景點~~東平安名崎!
有陽光，個海又再靚D~
天空點解可以咁廣闊~~~
燈塔後面塊草披仲係咁靚~!
D青色魚仲係下面玩沖浪~
今日竟然有三架雪糕車!! 為免佢整刨冰整得太耐，
我地分開左兩架車叫~~~
朋友們好鐘意鹽味Blue Seal雪糕WOR~
之後附近釣魚，
腳邊就有海龜阻住晒~~~
有神仙魚同藍魚毛
朋友仲話見到6呎長鯊魚............
玩到2點, 要去食Lunch 啦!
去左海宝館餐廳食... 好彩仲有得食!
用貝殼裝住D野食好特別呀~
D野食正常~ 順便比大家試下沖繩麵~
食完緊係入海宝館參觀埋啦~
估唔到世界上有咁多種貝殼!
貝殼名、發現的海洋、生長過程、
橫切面都一一介紹晒~
500円入場費，我覺得都值得入去睇下~
地球上最危險生物!!!!
之後去左河口位釣魚... 點不知落起超級大雨...
D水凍左淡左... Sosad
當地阿姐有魚，仲就地劏埋先返屋企~
釣釣下小物引左隻大墨魚黎食我釣D魚仔...
哈哈~ 今晚有宵夜食!
停左陣雨，望出車外，點解飛機唔郁o既?
原來係滿天星星呀~~
晚餐去左市區とんかつ 琉宮食炸豬扒!!
未坐滿~ 直入
叫左八份阿古豬SET.....有D叫埋炸蝦
仲有豬雜好好食!! 仲有海葡萄、島豆腐...
椰菜、白飯、黑飯任裝~
不過最後得7份阿古豬 (2,680円) .... 唯有叫松板豬 (1,880円) 啦......
朋友話鐘意食松板豬多D!
阿古豬就有咬口D但有肉味~ 松板豬就好淋好似肥豬肉咁~
記得! 記得! 記得要叫佢俾碗磨芝麻!
磨完D芝麻(磨到自己鐘意的碎度)加少少豬扒醬，
配埋鬆脆的炸阿古豬~超級香~~~正呀!
とんかつ 琉宮性價比超高~~
不過論炸豬扒都係香港的丼吉好食D!
但係貴一倍
食完又係去隔離DAISO、AEON入貨o既時候，
買左包米煮早餐食!哈哈
呢邊同海鮮悟空間FamilyMart都搵唔到煙花呀....
琴晚見到DONKIDONKI有... 唯有聽日再去啦~
留言列表
