這一定不是最完美的行程，但我這樣走過。

13 April 2019  Day 10 的意外

天啊!!

我o地本身由Interlaken OST出發,
Spiez站轉車到Kandersteg站，
到Blausee藍湖~
點不知，咁就出事了!! 我地搭錯車!!!!

Interlaken OST到正確的月台等車，
o係空空如也o既月台等左十幾分鐘，
之後差唔多夠鐘，有架車到站，我o地就好自然咁搬行李上車，
上到車，得好少行李位，我o地用左幾分鐘安置好行李，
架車亦閂門出發..... 之後我地搵好位坐低，
我望一望個廣播牌，下一站VISP...!!!

我心諗係唔係總站咋? Spiez呢? 望一望SBB Apps~
點解架車仲有2分鐘先開車o既?

發現原來我地上!!錯!!車!!
我地本應上下一班車~2分鐘後!!

好好彩，呢一架係快車，去到Visp其實都只係30分鐘~
我o地只要Visp轉返架相反方向o既車~去返Kandersteg就可以~
好彩有用SBB Apps咋~
萬一只係靠COUNTER買飛都唔知點算...

拿拿淋CHECK幾耐有車返Kandersteg..
亦好好彩，Delay左兩個小時就到達Blausee~
唔洗取消夢幻行程~太感動!
亦有Email通知今晚ZERMATT住宿知我地會晏少少到~

所以~上車前就算同一個月台都記住要睇清楚車身號碼!!
就算同一個月台都要睇清楚車身號碼!! 
就算同一個月台都要睇清楚車身號碼!!

重要的事講三次!

今次真係有驚無險~ 嚇死BB了~

瑞士搭火車，10次有9次都會有人查飛，
而我地上錯車無買呢程車飛，
好彩既係，今次係第10次 

仲間有個站山上有個城堡，望真D....係塊牌!!