一早起身，起個白鑊烘返再前一晚Nuggetpoint早餐食淨果D麵包先～外脆內軟，好好味！
加埋Oamaru 設廠的Whitestone Cheese，一定新鮮！
即食HAM特價，有好多，整兩份好厚！
Encore Lewis Road X Whittaker's 朱古力奶，大枝裝好滿足！
大過手指公！
之後執好行李又上路～經過Benmore Hydro Station，學下野，霸頂有人水上活動。
老公亦嘗試搵下三文魚同Trout的下落，同D釣魚翁吹下水，企左半個鐘都未有，都要D耐性！
望唔到魚之後，就唯有去魚場食Lunch
到左High Country Salmon at Twizel， 門口有個石仔地車場，泊好車就入去，
一間鐵皮屋，入面好多人！側邊有人排隊，隔離有幾個矮櫃！好多三文魚！
有Sashimi啦～有Sushi啦～有Cold/Hot Smoked Salmon Platter啦～
仲有其他Bagel熟食，而且有原條Salmon買返去煮～
D Salmon Sashimi係比香港食果D結實D無咁肥油的～多做運動丫麻
黎到呢度先知Smoked Salmon有分Cold/Hot，平時自助餐食果D就係Cold Smoked，
Hot Smoked 個質感就好似熟左，有少少咸鮮左咁～
Btw, Platter D 餅乾好鬆化好好味！
食完野仲可以免費拎D魚糧去餵魚～好大條～
車場過橋小山旁有條路可以泊CAMP VAN，可以休閒釣個魚都幾好！
其實附近仲有另一間Mount Cook Alpine Salmon，但就無咁多位同野食，有D高級D的感覺～
但係果度風景超級靚！對正Lake Pukaki!
Lake Pukaki真係無敵靚！可惜附近無住宿，如果下次玩Camp Van，可以去Peter's Lookout住返晚！
Peter's Lookout呢個點真係超正～係去Mount Cook同住Heritage Hotel必經之路～不過我地己經去左Fox Glacier，Mount Cook就等下次再去吧～
Peter's Lookout 泊好車之後，行一段石仔野草路落山，好多人行唔洗怕，有幾條人行出黎的路～
Lake Pukaki 又廣闊～又有雪山～D水又清～又藍！連沖繩的藍都唔能夠同呢隻藍比較！
不過唔好見雪山、BIKINI美女游水咁爽！ D水係好冰凍的XD
附近有個Alpine Lavender，唔洗入場費，去食杯雪糕～買D手信～
我都知季尾，唔係好夠紫，但無乜人都幾好丫
今晚落腳點係呢次旅程最期待o既 Lake Tekapo！計劃留兩晚，一日釣魚。
可惜太遲訂房，只訂到一晚無廁所小Cabin，其他酒店、Airbnb都無晒房
第二晚就要去鄰鎮住。。。
下次Plan好黎呢度一定！一定要預早Book家心水房啊！仲要住多幾晚，天文台山、Springs都無去過呀！
如果多人，仲可以BOOK間有火爐大屋住。。。下次下次！
Check-in好後，去左必去的Church of the Good Shepherd，
附近D路都唔移行，仲有好多人，好難好好影相。
見唔見到？Hairy呀～
比我搵到難得剩低一棵小Lupins！如果成地都係Lupins....
下次一定要睇到！
之後去左超市附近餐廳，有幾間，但唔係間間開門，
食左間叫Tin Plate Kitchen & Bar，食左個好好味羊架，MIX兩款PIZZA！
襯未天黑，就返Holiday Park搵下邊度沖涼。。。
D人O係度BBQ，好香～
Holiday Park公共沖涼房有Password的，不過其實係人都知，
好彩好多人用，都唔怕有男人入左去，
個廁所好乾淨、好闊落，有6﹣7格，
沖涼格都好乾淨，有分乾濕位，都有6﹣7格，
不過用熱水時間就有限，有張紙英文寫住，有6分鐘，
我洗左頭先，關水除衫再開水沖涼～咁就有12分鐘水用，又唔怕凍親了～
沖完涼，休息陣，天就差唔多黑了～
Lake Tekapo係世界其中一個星空保護區，有燈光限制，無雲就一定可以見到銀河！
今晚我地近近地去左Holiday Park的湖邊試下，無乜人，無光，好靚！
呢2張相係手機影的～如果用相機影一定仲誇張！因為我地用眼睇真係好多好多好多星！係成個天都一點一點小星星，中間有條銀河！
湖無風時仲反映到D星星！
不過因為呢度有一排高樹，影唔晒個天～又有車出出入入，會光到。。。
唔怪得D人去晒Church果邊影啦～不過太凍冰冰，我地就聽晚再睇，返屋仔訓覺。
返屋仔附近都黑媽媽～開電筒都怕會照到破壞人地影相
嘗試左幾次都有幾張靚靚360！
諗住收野訓覺之際，我聽到有D怪聲o係馬路！
追蹤之後，忍唔住用電話閃光燈照！一照隻野就停o係度唔郁！一熄燈又跑走～
閃左幾下之後，就比我影到佢啦！ 刺猥！！同爸爸養果隻差唔多大，野生的～
如果O係香港，一定係老鼠小強。呢個無煙之地經常令我好驚喜
留言列表
