這一定不是最完美的行程，但我這樣走過。

Nugget Lodge真的好寧靜，訓得好舒服~

之前上網知道 Nugget Point Lighthouse 睇日出超正... 雖然琴晚都烏雲密佈... 

今朝都較定鬧鐘睇日出, 沒有日出, 只有寧靜海浪聲, 繼續訓。

歎完Host後花園種有機蕃茄、啤梨蓉早餐之後，

離開心愛的海邊小屋。

SKIP左水浸成災的出口重鎮Dunedin

去左Moeraki Boulders玩菠蘿包石，香港的橋咀島都有菠蘿包石, 但無咁大粒! 

之後發現位於北島有個地方叫Koutu Boulder, D石仲更加大粒!!!

O係呢度間CAFE食左個好地道ge 周打魚湯!

好似罐頭湯無加水，好杰！不過入面好多海鮮！好好味！好飽！NZ$18.5-

細份的 Fish & Chips! Blue Cod~不能想像大份會係點-0-" NZ$24-

再去Oamaru睇人造企鵝之家Oamaru Blue Penguin Colony 近距離睇Blue Penguin！ 

之前幾日已經O係網上BOOK位, 但VIP觀賞位已經賣晒, 得返普通位, 但係都睇得好清楚! 

中間一個個盒係企鵝之家，成個園區有幾百個～原來企鵝住草地唔住沙灘！

超簡單圍欄係行人路，如果O係香港，D企鵝之家實死無生=[

企鵝之家仲有分半山區、森林區、密集區、ETC。。。

呢隻換毛呀！大個仔！

痾咁多屎！

行人路底有一隻！ 工作人員指比我地睇，真係好好彩，佢正正O係我腳底咋，工作人員細細聲指示我地唔好嚇親佢～

原來呢度D海獅唔會食企鵝？

入黑後唔比影相架，我地好好彩日間己經有企鵝上岸～所以影到一張~

不過D人太興奮嚇親佢，跳返入海LU。。。

入夜後開始落雨，又凍，好多人都唔等就走左，

之後有成百隻Blue Penguin上左岸！分左幾小隊返巢！超嘈！

跟住走果陣O係一小段行人路睇住佢地返自己間屋～跟住大叫左一陣宣示主權，好得意！

唔知佢地O係屋企會唔會睇陣TVB先訓覺呢？

睇完就返HOTEL煮野食,  有焗爐真係好正！焗左個豬胺～D皮好似燒肉咁脆！