這一定不是最完美的行程，但我這樣走過。

一早起身勁凍！對面座山落過雪！竟然仲有個傻佬游冬泳🙄

今日參加左Real Journey的Tour：Walter Peak Farm Exursion 
包來回蒸汽船、剪羊毛SHOW ﹠ AFTERNOON TEA

之前上Real Journey網站Book左10a.m.團，去到碼頭Real Journey登記同拎船飛，之後就去碼頭，應該得一隻蒸汽船好易認！上船後通常好多人去舺板影相，但係舺板無位坐，怕風大可以坐上層，唔怕吹下風就可以落下層，可以參觀蒸汽船運作，同埋呢隻船的歷史介紹，開船到一半左右D人通常怕風大就入返船倉內，到時少人D就可以出去影下相XD

大概一小時就去到Walter Peak Farm，DREAM HOUSE 。DREAM LAND。

一落船，就帶我地去睇剪羊毛SHOW，不過超！級！HEA！呢兩個工作人員叫左隻牧羊狗趕左兩隻羊黎，點個隻狗趕錯晒位，D羊上左台又走返落台，有隻仲走左去側邊食草，叫極都叫唔到返黎。

跟住果兩個工作人員就好殘忍咁拖左隻羊上台，夾住佢介紹個FARM，講左野好耐。。。

跟住以為作開始剪毛啦，點知D佢背住我，剪左隻羊o既肚皮羊之後，就放左隻羊，話今日天氣凍左怕佢凍親WOR。。。一心諗住帶老公黎睇剪羊毛！

跟住就叫我地去草地，又叫隻牧羊犬趕羊，點知趕趕下，隻狗懶得制訓左 騙局啊！

跟住去左餵動物，個工作人員話可以伸隻手入去毛毛牛個口入面餵，老公又試下，點知成手都係口水，臭到再用隻手餵野佢食，隻毛毛牛都唔肯再食！

好彩有洗手液！因為之後就食TEA啦！有好好味O既CHEESE SCONE！仲有其他糕點、COFFEE， TEA AND JUICE～

狂食TEA之後，飽飽都唔洗食Lunch，返到Queenstown，跟住就上左去Gondola玩LUGE！

天氣超好！風景超靚！LUGE超好玩！

落左山之後，沿住QUEENSTOWN TRAIL去左公園行下，好大棵樹！好多款松樹～

悠悠閑之後，襯未天黑， 就出發去下一個鎮！TE ANAU～

TE ANAU係一個好細市鎮，幾間餐廳同好早收工的超市，無熱食。。。

我地晚餐煲熱水沖左D湯飲，食左凍三文治。

Fiordland Hotel有小廚房，但去到果陣好似廢墟咁，同好污髒。。。