第二日一大早就起身準備出發local tour! 08:20要集合!
雖然我地間房o係地下，對住大街，但係夜晚都好靜，朝早就有d電單車bibi，但都可以接受。
7a.m.早餐已經準備好，估唔到款式都幾多! 仲有好多款生果!
食完CHECK OUT，寄存行李，酒店職員好好咁問我地洗唔洗BOOK定今晚返DA NANG ge車，我o地諗住唔係咁趕急，返黎可能再行一陣先算。
then, 我o地行去local tour集合ge 地方，約10分鐘。點解SINH TOURIST咁似水貨集散地? 不過唔緊要~呢間係爬文最多人報名GE一間! 現場好多間都係我地最多人等!
導遊哥哥，已經去左好多間酒店/旅行社接人? 佢話佢係TRIPADVISOR評為呢度英文最好ge導遊，佢個tone好攪笑，好似唱緊大戲咁，字正腔圓! 佢仲驚我地聽唔明，所以寫左張集合時間同車NO.比我地叫我地影相! 成團人多數都係鬼佬，法國、美國ETC. 有一兩組中國、另一組香港人、兩個韓國妹妹。車上先收集入場費VRN150k/人，加埋BOOK果陣VRN99k/人，總共VRN249 = HK$90/人
沿路都風光明媚!
其實今日係去一個好似吳哥窟ge建築群。My Son Sanctuary 美山聖地。
http://whc.unesco.org/en/list/949 <-歷史自己睇UNESCO世界遺產網頁
導遊哥哥帶我地行左一圈，介紹左好多歷史。
遺跡處於山谷，所以落雨係正常，我地好好彩只係落微雨，都算欣賞到建築。地面會有泥地，所以最好著鞋。現場都有雨衣賣。
可惜人太多，有成5-6個TOUR在場，好難可以影到CHOK相，如果要影，應該要下午時間，自己搭TAXI入黎，等D TOUR完左先得。
完左TOUR廁所位有雪條賣，見到有榴槤雪條 (VRN15000) 即刻買黎食! 有脆脆面，不過奶味重過榴槤味。
跟住坐車返去，坐(訓)左差唔多一個鐘頭之後，有部份團友JOIN左遊船返會安，要EXTRA一小時，
我地無JOIN到，於是坐多20MINS就返到會安。
返到去差唔多三點，去左Madam Khanh (The Banh Mi Queen)，門口掛o左大大幅Tripadvisor ge BANNER，雖然過左lunch hour，但都坐滿，大家都悠悠閒歎下! 叫左兩份法包，兩杯果汁，法包無得簡，只可以簡數量，個包凍凍地，不過都係脆卜卜! 入面咩都有，偏甜。我就覺得Bánh mỳ Phượng好食好多! 好想返去再食。
行返酒店都唔洗5分鐘，拎埋行李，叫酒店幫我地CALL車，原來係佢o地酒店自己ge私家車，約VRN350K，平的士十幾蚊港紙。
沿途經過d resorts、五行山等等，去到黎緊兩晚ge酒店!
Fusion Suites Danang Beach Hotel
唔知係咪坐私家車去ge關係，酒店d員工無幫我地拉行李! 之前兩間酒店同的士佬都有幫架! 
公主病發作，竟然要我男人搬! 所以對呢間酒店員工有dd壞印象。
入到去check in counter，先有人叫我地將行李擺埋行李架果邊，跟住叫我地坐低，倒左兩杯淡果汁比我o地飲，跟住有專人坐埋黎介紹間酒店同其他設施，仲有一堆9折coupons酒店用。跟住個專人帶埋我地上間房介紹間房ge設施，仲住好似想R TIPS咁，四萬咁口。跟住唔理佢，跟住又有另一個人拎我地d行李上黎，兩個都無比tips
頭先一開門口ge感覺係......嘩!!! 好。大。間。呀!!! 跟住直入到窗邊，嘩!!! 全。海。景! 服務員你快d走啦，我好想訓o係度歎海景，訓o係sofa度真係好似浸左o係個海度咁! 好。梳。乎!!!
張床都對住個海，歎歎下就訓著左。
訓醒天都黑，落去book foot massage先! 呢間酒店每晚包左二人45mins foot massage一次，可以o係2樓spa按，或者返房按。我地只係BK到聽日下午5點果個期，同後日CHECK OUT之前上午10點，真係幾FULL，大家CHECK完IN好去BOOK啦!
踢拖落街食海鮮!
去左出門口轉左果間 Quan Be Man，大好多呀呢間!! D海鮮都大好多!
1. Steam成呎長皮皮蝦兩隻
2. Steam 紅花蟹兩大隻
3. 香草煮大蜆0.5 KG
4.炒白菜
5.BEER 2支 (我都唔知點解我會敢飲冰!第二晚再黎果陣，見住個侍應o係地下個大膠筒度拎d冰入個杯度，之後我男人仲係有飲! 之後果朝就肚痾左成日
所以話出門一定要帶止痾藥....)
隻皮皮蝦成隻都充滿左蝦膏! 仲有開左背脊D殼，好易食，佢地清蒸係用呢隻橙橙地色ge汁加蒜頭溝成，好好味。
紅花蟹就一般，唔係十分甜。
留言列表
