Diamond Sea Hotel 唯一的缺點是...用儲水式熱水,如果沖得太耐,下一位沖涼就會無熱水,要等一下....
早餐好多選擇! 環境好舒服!d 野好食!仲有好多生果!另外仲有滑蛋奄列~好正!
食飽飽落沙灘行,網上人人都寫返呢句: My Khe Beach有「世界六大美麗海灘之一」的美譽。
事實上,應該只有tripadvisors LIST 做亞洲二十大沙灘
d 沙真係又細又滑,無乜垃圾,又長~又平坦~ 好天果陣仲可以睇日出添!
可惜呢幾日天氣都唔係幾好
大概十點左右就check-out,向Hoi An會安古城出發! 搭的士由Diamond Sea Hotel 去 會安 Hoi an Travel Lodge Hotel,大概40mins,VRN$400K
放低行李之後,先行去搵食! 去左Bánh mỳ Phượng (Address: 2B Phần Cháu Trình) 賣點係美國名廚Anthony Michael Bourdain也曾光顧! 而Anthony 曾經同Obama食過法包~ 哈哈S全越南最好吃的法包Banh Mi真係名不虛存,外脆,內軟,夾左好多菜同香草,好有口感,外面排晒長龍,我o地入左裡面搭枱坐,唔洗排隊,叫左一個grilled chicken with cheese (VND20,000)、一個beef and phomat (VND25,000),好。好。味!
跟住入古城行下,好有歐洲街頭飲杯COFFEE歎下ge感覺,不過D建築物係中式越式日式,d建築物好似保養得好好咁,或者最近翻新過? (之後local tour導遊話原來會安2016年12月曾經落大雨河水上漲,水浸高至3米,好多屋浸到上2樓,死左好多人) 因為已翻新好,所以感覺好好,唔會有舊中式恐怖鬼片感覺。不過有d類似廟的博物館,會排長龍。
今日天氣好好,約26度,有太陽,所以返左酒店借單車。會安好多酒店都會免費借單車比住客,如果你間酒店住滿,可以先Book定。古城內車同單車都唔可以入,咁踩黎做乜呢?
我o地今朝搭TAXI黎果陣見到周圍好多田園風光,於是跟住google maps踩返去果度。插秧啦~ 水牛啦~ 黃牛啦~ 仲可以付$騎水牛落水!
睇完D田園風光,心情好舒暢,大約踩左4個鐘。回程時踩馬路,呢度馬路係無線ge,平排6-7架單車電單車霸埋對面線都仲得,不過單車們請靠右路邊踩啦~ 當電車車/車想過你頭果陣,會響bibi提你,所以基本上都安全。
返酒店還車休息後,天黑了又再入古城~
四周圍都有鋪頭度身訂造禮服、晚裝,唔止得最出名geBlue TAILOR一間,另外仲有好多TEE、麻質衫賣,價錢亦唔高,可以大手買!
適逢元宵佳節 (初十五) 古城比平時熱鬧! 好似去左中秋維園花燈會咁! 無左日間果種寧靜,但就有種好熱鬧、好浪漫的感覺! 除左平日都有ge燈籠sssssss,仲有大型花燈! 仲可以o係條河放水燈。
6點幾,晚餐去左Morning Glory,對面有間叫 Morning Glory2,唔知係咪同一間,我地食左正鋪,地下果層對住煮食爐,有D熱,所以上左二樓。
食左白玫瑰~唔點醬食,好似蝦餃,點左醬就唔同晒!
高樓面,好似台灣粗麵,有DD似烏冬,加D好瘦GE叉燒。麻麻地
米紙卷蔗蝦,超好味!
蕉葉燒魚,幾得意~都幾好味!配大碟飯。
越式家鄉雞脾飯 配青木瓜沙律,隻雞無雪味,幾好食。
緊係唔少得啤酒! 不過我驚夜晚多人同唔識路,所以飲PINEAPPLE JUICE,都好好飲。全餐2個小食、兩個飯、一個麵、兩個飲品,大槪HK$200。好抵食!
之前爬文都聽過入古城要收入場費,但有人會直行直過唔洗比。呢晚我地就兜完一個圈從第二街 (入口) 想入返古城ge時候有位姐姐截住我地唔比我地行,要我地去counter買票,我地都係想行返去酒店,緊係唔比$啦! (小朋友唔好學) 於是,我地掉頭行,行返去另一條街入,咁就唔洗$了....
留言列表