這一定不是最完美的行程，但我這樣走過。

因為成2個月無m，上一次2月中黎m個量又非常少，時間又好耐，我仲諗緊自己係咪有婦女病😅 打算去睇中醫前驗一驗孕，點知就中咗獎啦！又可以去英國玩😅 今次會帶埋大女去，可以跑草地啦🥳

疫情關係，返香港好困難，被BA cut機、改酒店、轉航空公司，臨時confirm晒第二朝就即刻去collinson做PCR test，連bb都要做了口了鼻，好殘忍，姑娘都覺得慘慘，最後淨係幫bb了口。

網上好多Check list for生仔，但好多都唔知啱唔啱洗，仲要準備香港一份，拎去英國一份，真係少嗰準備都唔掂。呢篇文會講下有咩要買定、有咩買咗原來無用、有咩去到英國先買都得。

我哋兩公婆7月7日到London，奶奶8月21日到埗，10月15日離開嘅總洗費：

初生嬰通常會有幾段時間係猛長期，網上睇到會突然食多咗奶，訓長咗/少咗時間。而我BB剛剛滿月，我諗已經經歷咗3-4次猛長期omg!

有咗之後已經計劃要餵人奶，可以慳返奶粉錢，又對我個子宮同bb健康好好咁。上好多網學習，點上奶、點按摩、點儲奶。。。點知真正實踐嘅時候真係好困難！

因為開刀，上網睇過話會遲啲上奶，啲人話出世第一時間skin to skin餵奶我都有做到，餵咗2個幾鐘，姑娘叫我不如休息下先放低個b。

4/9。NHS派黎嘅Community Midwife今日下午黎咗，幫我量咗血壓，睇咗傷口，同問我情緒，講咗好多支持說話，話荷爾蒙會令到我好大壓力，遲啲會好。仲教咗我另一個餵奶方法，一擺落嚟即刻肯啜，仲啜咗好耐唔洗liu醒佢，好利害！

今日bb痾咗黃屎，但下午塊面有啲黃，佢話擺張床仔去窗邊等佢曬下太陽會好啲。聽日佢會再打嚟，然後day 5即係6/9(出生日唔計)會再上門同bb鎊重同抽血檢查。

7月頭31週嘅我已經飛咗過嚟英國啦！

因為cx來回機票要萬七蚊😱（我持特區護照入境需要先買來回機票），所以買咗得23Kg行李嘅BA。

第7週
第4週左右已經屋企用驗孕棒收到好消息!，不過疫情關係，安排第7週先去睇私家醫生拎懷孕証明書。朋友話過左第6週，可以順便去產科醫生度照閃閃，慳返幾百蚊診所驗尿費! 家人介紹去左睇王紹宏醫生，超到閃閃，好神奇，不過BB仲係一粒野，無乜野睇。拎左D 惠氏SAMPLE同鈣片，就檢查完。

背景：老公係BC二代，我係特區護照，下兩代要keep住英藉，就唔可以香港生，要去英國生; 一係就全家移民先做到。

有咗之前已經決定去英國生，所以得閒嘅時候都上網做下research，點知寫去英國生仔嘅人好少，唔係BC去英國生仔嘅人更少😭