這一定不是最完美的行程，但我這樣走過。

因為成2個月無m，上一次2月中黎m個量又非常少，時間又好耐，我仲諗緊自己係咪有婦女病😅打算去睇中醫前驗一驗孕，點知就中咗獎啦！又可以去英國玩😅 今次會帶埋大女去，可以跑草地啦🥳

第十六週

去樓下診所驗孕拎懷孕證明，醫生話都唔知我係10週定係17週，要去照超聲波先會準確啲。

第十七週

因為都夠10週，所以就直接約返王紹宏醫生做T21，順便照下個肚幾大，度咗頭圍同肚仔，佢估計係17週，預產期係10月頭！等3-5日就會有報告。

疫情關係，返香港好困難，被BA cut機、改酒店、轉航空公司，臨時confirm晒第二朝就即刻去collinson做PCR test，連bb都要做了口了鼻，好殘忍，姑娘都覺得慘慘，最後淨係幫bb了口。

返香港嘅政策日日都唔同，我呢度唔多分享啦。

由Birmingham出發去LHR 2hrs，提早咗6hrs到機場check文件，入咗閘要避開會咳嘅人食飯飲奶(其他航班唔會似香港咁嚴，有機會唔洗test就去得，尤其係細路仔，佢哋好大機會有covid）。

上到飛機嗰一刻真係心都定埋，感動流淚。機程11hrs，Vingin空姐真係好照顧我哋，一上機就俾一支大水我哋沖奶(不過我哋已買咗奶水拎入去，hipp無得機場boots拎，只可以訂aptimal & cowgate)，又幫我哋確認bb車已上機同落機會即時拎返俾我哋！原來bb有安全帶扣埋大人嗰度，起咗飛就安裝bassinet 俾bb瞓(打咗去hotline等咗100分鐘終於有人聽，佢話bassinet 無得預約，但會幫我remark，online checkin就會見到自動mark咗有bassinet)，空姐會再三check咗安裝安全，派餐仲會等我餵完奶先拎俾我。

網上好多Check list for生仔，但好多都唔知啱唔啱洗，仲要準備香港一份，拎去英國一份，真係少嗰準備都唔掂。呢篇文會講下有咩要買定、有咩買咗原來無用、有咩去到英國先買都得。

BB衫褲。如果認為BB要先著底衫，再著面衫嘅話，就要香港買定Bb底衫，因為呢度啲底衫係過頭笠，雖然膊頭位有彈性可以拉闊，但初生唔熟手我好怕。我黎之前響樂天訂咗西松屋嘅蝴蝶衣、短身底衫、長身底衫，同埋uniqlo特價買咗兩件底衫，有綁繩、有啪鈕，兩樣都好用。面衫我都有響西松屋買，但係過到黎天氣比預期凍，同埋Primark 啲衫又真係又平又靚，所以買咗好多，可以過嚟英國先買，另外M&S啲衫料又靚啲，又忍唔住買多幾件。

BB襪、手套。西松屋同uniqlo啲衫無套腳同手，反而Primark 同M&S啲sleeping suits 有，初生手腳細，呢啲sleeping suits會方便啲，唔會甩。不過大個啲flipping suits隻手套會太細，手指好易走出嚟，而呢度好少手套賣，見過M&S得一對全白，其他都係勁細對，淨係套到手指，所以最好香港買定5,6對，方便洗咗未乾、跌咗落地仲有後備。襪仔英國好多款，唔怕無得買。如果online shopping 記得睇吓有冇mittens，有啲衫9個月size會無咗。

睡袋。無論冬天夏天都好用，唔怕被會蓋住塊面，又唔怕凍親。英國好多間都有得買。

我哋兩公婆7月7日到London，奶奶8月21日到埗，10月15日離開嘅總洗費：

醫院總收費 £18115

衣食行 £3800  (包括BB床、car seat、BB車、坐月湯包、全程自家煮食、奶奶黎咗兩個月)

Airbnb hk$117000（14 days一房屋+88 day兩房屋）

機票 $

初生嬰通常會有幾段時間係猛長期，網上睇到會突然食多咗奶，訓長咗/少咗時間。而我BB剛剛滿月，我諗已經經歷咗3-4次猛長期omg!

我哋日抖飲凍奶/埋身，夜晚12點後食奶粉。本身BB 10日大嗰陣，每日已經食緊7-800ml奶，根據網上說法，每日奶量係咁計：1Kg x 150ml，BB大約4Kg，每日應該淨係食600ml就夠，但呢度啲姑娘話佢食得就俾佢食。然後Day11突然食咗差唔多900ml，我哋都好擔心傳說中波子咁大嘅胃仔食唔食到咁多？不過每餐隔3個鐘，佢又無嘔奶，又好訓得，都無理佢，想食就食啦。就係咁，第一次嘅舒服猛長期兩日就過。

然後Day22，體重已經去到4.8Kg，竟然突然又食1200ml OMG! 好似食得太多，每餐開始隔得2個鐘就要食150ml。有時醒咗就狂喊，要人抱住先收聲，明明訓著咗，一擺落床幾分鐘就喊醒，張床仔好似有針吉咁。咁反正都要抱，我哋諗住拖下佢，盡量抱到3個鐘先俾佢食，咁Day23已經減返量食返1000ml。

Day27，呢鑊真係甘，一日食咗1300ml ，2個鐘唔夠就要食，仲要抱住先肯訓，一發現落咗床仔，就喊到拆天，抱住又唔肯收聲，又唔俾人坐，抱到腰痛又手軟，要哄足半個鐘先肯訓，抱住訓訓下又爆喊，原來又肚餓了，唉。呢個無限地獄輪迴好彩都只係持續咗一日多啲，各位媽媽除咗每日食飯、Materna23之餘，記得食一塊Dark chocolate，一有機會就去訓，心情同身體都會舒服啲。加油啊！

有咗之後已經計劃要餵人奶，可以慳返奶粉錢，又對我個子宮同bb健康好好咁。上好多網學習，點上奶、點按摩、點儲奶。。。點知真正實踐嘅時候真係好困難！

因為開刀，上網睇過話會遲啲上奶，啲人話出世第一時間skin to skin餵奶我都有做到，餵咗2個幾鐘，姑娘叫我不如休息下先放低個b。

上網啲人話多啲埋身啜，等我個腦收到bb出咗嚟要造奶俾佢嘅訊號，就會好快上奶，有啲人住院第3日已經上咗。我住院嗰陣，因為唔落得床住，我唔係食，就係訓，睡眠質素好好，所以bb一喊我就叫老公抱bb俾我餵，開頭bb都會啜下訓下，但去到第一晚零晨，姑娘幫我量血壓好似好攰咁，就問我哋俾唔俾配方奶佢食。咁無奶都無計，我老公都要訓，咁我哋就開始俾配方奶佢飲，一餐食25ml開始。。。第二日好舒服咁，bb啜幾個字唔啜，就俾配方奶佢飲，一直懷疑同改進自己餵奶姿勢，令佢易啜啲唔好咁扭擰，但係今次得，下次佢又扭，無佢辦法。唔同姑娘都教咗唔同手法餵，唔係講緊前抱式定係攬球式，而係前抱式嘅時候係bb向上抱擰佢個頭黎，定係打側bb hold實bb頭同pat一直線飲。。。全部都係今次得，下次自己試又唔得；或者左邊得、右邊唔得；一分鐘得，下一分鐘又唔得。。。

如是者返到屋企，bb埋身10秒就唔肯再啜，換左右又唔肯啜，又喊到拆天咁，仲雙手推開我=( 嗰一刻真係崩潰咗，自己訓喺床度喊到收唔到聲，99仲喺廳同bb講陰公囉，餓到咁。。。我知佢唔係特登，我都知唔餵人奶餵奶粉其實都係可以生存，我知要放鬆心情同飲多啲水先可以多奶，但產後抑鬱呢家野真係唔係自己控制到，好彩嘅係我自己心入面知咩事，唯有慢慢放鬆下心情。姑娘叫我食d Dark chocolate 同三文魚令心情好啲，老公就即刻去買俾我食，仲有99一直好似工人咁又煮飯洗衫做家務，仲顧住我唔好彎腰唔好整親傷口咁，我淨係專心復原身體，得閒餵下奶咁，其餘時間訓得又俾我訓，乜都唔洗做，真心幸福幸運。

去到第5日，乳頭開始俾阿b啜損晒，好痛！咁損咗嘅位置有結焦，bb啜完有d白色皮，好似d焦浸得耐發咗咁，又好似有啲水滲出，唔知係bb口水定咩。。。跟住有次啜完見到佢一面血=( 超沮喪⋯⋯因為有血，咁唔可以俾佢再啜。

4/9。NHS派黎嘅Community Midwife今日下午黎咗，幫我量咗血壓，睇咗傷口，同問我情緒，講咗好多支持說話，話荷爾蒙會令到我好大壓力，遲啲會好。仲教咗我另一個餵奶方法，一擺落嚟即刻肯啜，仲啜咗好耐唔洗liu醒佢，好利害！

今日bb痾咗黃屎，但下午塊面有啲黃，佢話擺張床仔去窗邊等佢曬下太陽會好啲。聽日佢會再打嚟，然後day 5即係6/9(出生日唔計)會再上門同bb鎊重同抽血檢查。

開刀傷口其實定時食足止痛藥就唔會痛，今日三角位有d瘀黑色出咗嚟，唔怪之得之前按落去痛痛地。d惡露好似就清曬，每日個量就好似m到最後嗰日咁！仲等我香港拎咗咁多長m巾嚟，而家可以拎去賣。

老公琴日已經book好registration of birth，去拎出世紙，最快要10日後，即係13/9。

6/9。唔計出生日第5日就一定要見Community midwife，佢一早sms黎，叫我哋下午三點幾搭uber去Children’s Center 見佢 (乜唔係上門架咩😢），佢有再打黎confirm，話幾攰都要去喎😮‍💨好彩今日唔凍。

7月頭31週嘅我已經飛咗過嚟英國啦！

因為cx來回機票要萬七蚊😱（我持特區護照入境需要先買來回機票），所以買咗得23Kg行李嘅BA。

上機前都好驚氣壓果d會影響bb，因為以前搭親飛機都會擾亂M到嘅日子，不過so far除咗飛機上面張食飯枱開得一半之外，其餘都無咩問題。😂

拎咗對壓力長襪上飛機前著定，點知著咗兩個鐘就太緊，對腳好痛要除咗佢😢然後著返平時啲短襪反而舒服啲，對腳又無腫。有時坐到patpat痛，會氣流穩定時行去機頭再行返轉頭，咁再坐低就唔再痛。如果前面嗰個位i晒張凳落嚟，我個巨肚真係出唔到去，你唔好彩坐我前面無得i😂

嚮機尾個廁所大少少，我每兩個鐘就要去一次，順便行吓，我預備咗個小斜咩袋，裝住紙巾、護墊、搓手液、奶奶叮囑要用嘅膠手套，不過手套無用，無理由去一次扔一對🤷🏻‍♀️反而我去完廁所返位前每次都用搓手液搓手，唔怕廁所有菌。

第7週
第4週左右已經屋企用驗孕棒收到好消息!，不過疫情關係，安排第7週先去睇私家醫生拎懷孕証明書。朋友話過左第6週，可以順便去產科醫生度照閃閃，慳返幾百蚊診所驗尿費! 家人介紹去左睇王紹宏醫生，超到閃閃，好神奇，不過BB仲係一粒野，無乜野睇。拎左D 惠氏SAMPLE同鈣片，就檢查完。

第10週
之後用HA GO APP個預約通約政府醫院o既產檢，2日後就有人打黎通知檢查日期，第10週檢查，婦產科得十幾廿個人左右，去到驗尿、度高、鎊重、量血壓，同幾個準媽媽入房見姑娘，姑娘會講解一次成個懷孕過程，要做乜檢查等等。之後會再續個見面，睇下有咩問題咁，同埋會問埋會唔會出去私家度做T21/NIPTY唐氏檢查，出面做會99%準確，如果出私家做，佢公立醫院就唔會幫你做。我好蠢咁講左會出去做，咁就蝕左一次照超聲波見BBo既機會啦。最後抽埋血，佢見我血壓有D高,13x-14x，就幫我抽多2支血驗個腎果D有無問題。約埋下次產檢就走得。

背景：老公係BC二代，我係特區護照，下兩代要keep住英藉，就唔可以香港生，要去英國生; 一係就全家移民先做到。

有咗之前已經決定去英國生，所以得閒嘅時候都上網做下research，點知寫去英國生仔嘅人好少，唔係BC去英國生仔嘅人更少😭

fb 英孩·三點三 幫左我唔少，解答左好多公立私家生仔嘅問題，又介紹左英國生仔係點，有咩要準備，同返香港點拎証件。

以我所知，媽媽唔係BC，都可以去NHS公立醫院生仔，不過無資助，要俾全數，大約8萬港紙。而London唯一一間私家醫院Portland Hospital 生仔都係差唔多價錢，於是我同老公都決定去呢間生。

好好彩最近有個fb 英·嬰·日誌，佢都係去Portland生，唔係BC，不過佢係C-Section開刀，我就想自然生。我問佢問題佢都好好心機答我，幫左我好多！

知道有咗之前已經報咗名學車，因為貪近同方便，選擇咗駕駛學院！佢分開3部分，第一部分筆試，我2020年11月已經pass咗，要合格先可以去下一部分！

第二部分係場內考泊位、窄路調頭、斜路開車，當我學完晒所有堂，準備好2021年1月考試嘅時候，因為疫情關係，考試延期，直至另行通知😱當運輸署開返考車，再排期，我嘅考試已經去到三個月後，即2021年4月，三個月無揸車，好彩有一個鐘加錢補鐘，發現自己手感仲喺度！而且大肚20週嘅我，個肚都未係好大，應付到今次考試！👍🏻不過考試前果幾日好緊張，亦都發揮得唔係咁好，好好彩最後都pass咗！但我覺得呢種壓力對bb可能唔係咁好⋯⋯雖然呢幾次產檢都無乜問題。

第三部分路試，問過駕駛學院d人話，可以等我11月返黎先排期同bk堂，到時我個學牌&路票都過期，要再續，每樣$5xx，錢可以解決到嘅問題就唔係問題😞

因為懷孕初期5週開始斷續有流啡，

逢放工丶假期的節目就係留係屋企訓床，

飲食方面都介得好清，我跟呢個網食：

https://wow.esdlife.com/space.php?uid=47739&do=blog&id=333879

有啲無寫就再上網搵，網上見到一有話唔食得就唔食，