經過了充實的暑假, 終於回來繼續寫NZ BLOG!
一早起身, 落雨, 氣溫低左好多, 大概得返10度, 烏雲密布, 好彩琴日去左陽光過份燦爛的薰衣草園!
著多左幾件褸, 就繼續上路。今日會由Lake Wanaka玩到Queenstown!
第一站, Cromwell水果鎮 !
其實主要景點都係一個叫做 Jones Family Fruit Stall 的手信鋪, 應該好多旅行團都會黎,
有生果、乾果、蜂蜜產品、朱古力 & 雪糕!
去到果陣都係好大雨, 門口就有泊車位, 由露天o既泊車位即刻跑入去間鋪入面,
有好多生果! 熱帶生果都有!
可以自己揀完去鎊重計錢, 亦有d pack好晒一大袋比你拎!
生果同乾果都有試食, 不過店員一見到華人試食多幾次, 就會話你無幫襯, 要留返d比其他人試
之後仲食左杯鮮製熱情果雪糕.... 好多核咬到牙都軟
其實如果o岩季節,呢度仲有玫瑰園,不過太大雨,所以無去望。
雖然落雨,但我地都想嘗試下摘NZ盛產o既車厘子! 上網D人話路上見到PYO, Pick Your Own o既木牌就可以衝入去架啦。我為免失望搵唔到, 當然出發之前已經上網搵定邊個CHERRY FARM會開門,因為季尾o既關係,得幾間會開,而今日去呢間Dam Good Fruit,Facebook會好快手回覆,我問定幾多號天氣報告話好大雨仲會唔會開,之前幾日問好左佢話會。所以我地都博一博去左! 點知去到真係有開,仲有人剛剛走!我地泊好車等細雨少少就入去,得一個女仔o係度,介紹左而家仲有邊隻品種o既cherry、點樣行、點樣摘,跟住我地就一人一籃好似賣花的小女孩咁出發! 好彩個女仔借多左把遮比我地, 愈黎愈大雨。
去到佢話最多果個園區,D CHERRY都唔算好大粒,正常SIZE,深黑色先好摘,邊摘邊食,個女仔話試一兩粒就得,唔可以食太多,但成個園都無人,食十幾粒唔係好多JIE
落雨關係成地都係車厘子,踩上去爆果下「卜」一聲好爽! 做谷倉踩紅莓釀紅酒果D工應該好好玩
最後仲有車厘子雪糕,完全唔係藥水味!
跟住再去AJ HACKETT睇人BUNGYJUMP,話說呢度係發源地? 雖然落緊雨,但都幾多人玩架WO。
本身想去玩Arthurs Point Shotover Jet, 但咁大雨... 河水高左咪無淺水飛翔o既感覺囉?
因為無玩SHOT OVER, 時間早o左,於是就去埋秋天的童話鎮Arrow Town - Buckingham Street,嘩!真係好似西部牛仔拍戲片場FEEL,可惜而家係春天, 同埋落雨, 攪到車都唔想落如果到秋天果陣兩旁都係秋葉, 凍凍地果陣飲杯FLAT WHITE都咪話唔歎!
之後去到旅遊重鎮Queenstown! Check-in左酒店, 有露台有湖景~~ 仲有個OPEN KITCHEN,不過個OPEN KITCHEN有D多餘... 因為黎到Queenstown緊係去食全NZ最最最最最出名o既Fred Burger啦!!!
當日我地6點左右去到Freg Burger,好 ! 多 ! 人 ! O係門口已經有條長長o既人龍! 平時NZ人影都無個, 唔通成個南島D人黎晒呢度?
迫入左櫃枱拎左張MENU排住隊研究,到你就比錢拎單等叫號碼, 仲好貼心問埋你叫咩名, 佢個系統仲可以手機通知你你個餐拎得 (如果你有個當地電話號碼...)
入面D位好少, 人又多, 我地酒店唔係好遠,所以決定返房慢慢歎!
BIG AL!! 乜都DOUBLE!有塊面咁高! 一人一個食得曬,但好飽!
原來Queenstown唔係好大,不過就好多人! 好多舗頭!
McDonald's 有幾人套餐! 不過有Fred Burger,邊個會食麥當當?
我o地食Burger之前,見有時間,就去左好貴好貴好貴o既Kiwi Birdlife Park!
2018年2月o既成人票價係NZ$49/人! 園區只有...有無3個足球場大呢?
入面有廿幾款當地品種的鳥類, 有個劇場介紹唔同鳥類,未訓練好o既雀仔o係度飛來飛去,
點解咁貴都有人入去架?
其實係因為..... 入面有個展館係nz先見到, 但都超級難先搵到o既kiwi bird!
每日都有幾個kiwi bird餵食時間, 果陣時d kiwi bird會好活躍,
展館入面, 漆黑一片, 連電話、紅燈cam都唔准拎出黎架, 因為kiwi bird 係生活o係深深山入面, 夜晚先出動, 本身黑媽媽o既展館, 如果佢地唔郁, 根本唔會見到佢地!
但我地好好彩遇到最後一場餵食時間呀! 仲好醒咁企左o係佢派飯果個洞隔離, 算係好清楚咁見到佢點樣用個長啄食野!
雖然好貴, 但我都覺得好值得呀! 當然如果有多d野睇會更值!
KIWI BIRD駝蛋X﹣RAY
同場加映SHARK一架~
留言列表