這一定不是最完美的行程，但我這樣走過。

結婚前左度右度，發現十幾日玩晒南北島會好趕，加上男人駕駛技術需要磨練下，車程唔好咁長好D，所以打算淨玩南島，下次先去北島 不過又有個問題! 通常香港去南島可以飛到Auckland轉機到Christchurch / Queenstown，但爬文發現Auckland轉機要入境、拎埋行李、去國內航廈、再Check-in行李，咁樣轉機時間就要預成日! 又麻煩 不過好好彩, CX 今年開左為期三個月ge直航飛CHC，剛剛好FIT晒我地HONEYMOON 時間! 於是我地就搭左CX, 11個鐘頭 去到Christchurch啦~

去到Christchurch剛好7點落機, 聞說入關 野食唔帶得，藥物要有英文標示成份，戶外用品同鞋要清潔乾淨。於是我地就無帶杯麵野食, 報關表我地都答無野食, 有藥物，有戶外用品 (有魚杆), 過關果緊誠誠實實，再SHOW埋新買的鞋GE鞋底比佢睇~ 安全過度~ 行李都唔洗打開, 淨係過X-RAY就走得! 

8點左右就去到Parking Lot (Departure Hall入口外面迴旋處) 等JUCY Shuttle Bus接我地去拎車, 剛剛好係JUCY第一班Shuttle! (不用預約)

第一站先去Christchurch Farmers' Market (http://christchurchfarmersmarket.co.nz/)! 逢星期六上午先有，有幾十檔小食、農作物攤位~ 又有小朋友表演樂器。買左支蘋果汁 (之後超市都見到有得賣)，BBQ熱狗~ 跟住坐O係河邊餵下鴨仔, 睇下小朋友玩下鴨仔, 仲見到河入面有條肥美Eel!  好舒服ge 環境! 

跟住去行下Market個公園Riccarton Bush, 有超高大GE樹, 有D仲生到落地下, 可以爬下樹, 仲發現左棵啤梨樹! 

之後去左市中心行下, Re:Start Mall, Christchurch Transitional Cathedral (紙教堂), New Regent Street , Kathmandu睇下戶外野, 影下相, 睇下電車~ 唔覺唔覺已經3點幾, 可以Check-in啦~

香港果陣已經Book定第一晚住宿, All Stars Inn on Bealey 的二人房 (Ensuite) 好平好乾淨好舒服，不過無冷氣 (之後發現大部份住宿都無冷氣, 反而有暖氣), 呢間房係要開窗即係開左隻門 (好似露台咁), 外面就係內街, 夜晚訓覺我地唔敢開門, 但係大概廿幾三十度, 好熱  有公共廚房, 無窗的, 夜晚我地買左西冷牛扒同T骨煎, 成個廚房都焗住左我地D味, 其他人望住晒我地燭光晚餐 

由於9點幾先天黑, 我地食完野再去左Botanic Garden行, 超! 靚! 好多花花草草~~~又有個玫瑰園~~~ 如果香港都有市肺係日日都花卉展咁, 可以有大草地可以坐下訓下行下, 你話好幾呢.....

P.S. 香港租了WIFIBB，到埗後一直收不到WIFI，客服不斷叫我們重新開機，仍是未能接駁的畫面。 幸好住宿地點大多都有WIFI，買了VODAFONE電話卡亦有1GB上網流量可以緊急時使用，才可以用EMAIL跟WIFIBB的客服聯絡。不過，完全沒有幫助，WIFIBB的客服過了數天的聯絡後就叫我們回來後跟櫃台客服說用不到退款了事，完全無視我們人在外地，沒能上網的擔憂及不便。回港後，亦要再次用EMAIL跟客服聯絡退款事宜，說一至兩個月會退款，但兩個月後仍未收到有關款項，更不用提賠償!!!!!!  用了數次的WIFIBB，是次令我太失望了!! 以後不再用!!!